Intambara ya Vietnam ni imwe mu ntambara zakomereye Leta Zunze Ubumwe za Amerika mu kinyejana cya 20. Itandukaniye cyane n’uko yagaragajwe muri filime nyinshi twakurikiranye, kuko ifite inkomoko ndende ndetse nโingaruka zabaye ndende ku bihugu bitandukanye.
Iyo ntambara yabaye hagati ya Leta Zunze Ubumwe za Amerika nโabarwanyi ba Vietnam ya Ruguru bashyigikiwe nโabo muri Koreya ya Ruguru, Ubushinwa, nโUbumwe bwโAbasoviyeti.
Nyamara, inkomoko yโiyo ntambara ntishingiye gusa ku kutumvikana kwโibihugu binini, ahubwo yari ifite isoko mu mateka ya Vietnam no mu ntambara zahabaye mbere.
Mu ntangiriro zโikinyejana cya 20, Vietnam yari kolonize yโu Bufaransa. Abanyavietnam bifuzaga ubwigenge, maze mu 1945, Ho Chi Minh atangiza Repubulika ya Demokarasi ya Vietnam nyuma yo gutsinda Abafaransa mu ntambara ya Indochina (1946-1954).
Nyuma yโiyo ntambara, Vietnam yagabanyijwe mo ibice bibiri: Vietnam yโAmajyaruguru iyobowe na Ho Chi Minh, yari ifite ubutegetsi bwโAbakomunisiti, na Vietnam yโAmajyepfo yafashwaga na Leta Zunze Ubumwe za Amerika nโibindi bihugu byโUburengerazuba.
Mu myaka ya 1960, hadutse imvururu hagati ya Vietnam yโAmajyaruguru nโiyโAmajyepfo. Ho Chi Minh nโishyaka rye rya Viet Cong bashakaga guhuza igihugu cyose kikayoborwa nโAbakomunisiti, mu gihe Amerika yashyigikiraga Vietnam yโAmajyepfo kugira ngo idafata ubwo butegetsi.
Uko kwivanga kw’Amerika mu ntambara byatumye haba urugamba rudasanzwe, aho abasirikare ba Amerika bagerageje gutsinda ingabo za Vietnam zifashishaga intwaro gakondo, ibirindiro byihishe mu mashyamba, nโintambara ya rutura yo kwihisha no gutera batunguranye.
Muri rusange, intambara ya Vietnam yabaye iya mbere Leta Zunze Ubumwe za Amerika zananiwe gutsindamo burundu, bituma hari ingaruka zikomeye haba mu mateka yโIsi no mu mitekerereze ya rubanda ku bijyanye nโintambara nโuburyo izo ntambara zikwiye kujya zirwanwa.
