Imikino

Imikino:Kapiteni w’ikipe y’igihugu amavubi U17 yasinyiye ikipe ya APR fc.

Nsanzimfura Keddy w’imyaka 18 yari Kapiteni w’Ikipe y’Igihugu y’Abatarengeje imyaka 17 yitabiriye imikino yo gushaka Igikombe cya Afurika cya 2019, yabereye muri Tanzania mu 2018.

Uyu mukinnyi wongereye amasezerano y’imyaka itanu muri Kiyovu Sports mu mwaka ushize, yamaze kwerekeza muri APR FC nk’uko amakuru agera kuri IGIHE abivuga.

Umwe mu nshuti za hafi z’uyu mukinnyi yabwiye umunyamakuru wacu ko “Keddy yasinyiye APR FC kuri uyu wa Kane amasezerano y’imyaka ibiri.”
Nsanzimfura Keddy ni umwe mu bakinnyi bakiri bato b’abahanga, aho amaze imyaka ibiri akinira Kiyovu Sports.

Abaye umukinnyi wa mbere waguzwe na APR FC yifuza abandi barimo Ndayishimiye Dieudonné na Ruboneka Jean Bosco bakina muri AS Muhanga

APR FC yatangiye gutekereza kwiyubaka mu gihe itegereje kumenya niba izahabwa igikombe cya Shampiyona y’uyu mwaka w’imikino wa 2019/20, yahagaze kuva tariki ya 14 Werurwe kubera icyorezo cya Coronavirus.

Leave a Reply

Your email address will not be published. Required fields are marked *

Back to top button
Close
Close