Isabel dos Santos ni umushoramari ukomoka muri Angola, akaba umukobwa w’uwahoze ari Perezida wa Angola, José Eduardo dos Santos. Yize mu Bwongereza, aho yarangije amasomo ye muri King’s College London.
Ku bijyanye n’amakuru mashya, ejo bundi, tariki ya 16 Ukuboza 2024, BBC yatangaje ko Isabel dos Santos yanenze icyemezo cya Leta y’u Bwongereza cyo kumufatira ibihano bijyanye no gukoresha nabi umutungo wa rubanda.
Yavuze ko ibyo bihano byamutunguye kuko atigeze ahamwa n’ibyaha bya ruswa mu nkiko z’ibihugu byose.
Leta y’u Bwongereza yari yamufatiye ibihano birimo gufatira imitungo ye no kumubuza kwinjira mu gihugu, imushinja kunyereza umutungo wa Angola.
Isabel dos Santos we avuga ko ari ugushaka kumuharabika bikorwa na Leta ya Angola, kandi ko nta perereza ryimbitse ryigeze rikorwa cyangwa ngo ahabwe umwanya wo kwisobanura.
