Hashize igihe kinini dutangiye uru rugendo, none tugeze aho dutegura ku nshuro ya gatanu ibirori bikomeye bya Rwanda Global Diversity. Mu byโukuri, ni urugendo rwuzuye ishema nโamasomo menshi. Uhereye ku byagiye bigerwaho kugeza ubu, dufite byinshi byo gushimira Imana no kwishimira nkโAbanyarwanda.
Kuva dutangiye, hari byinshi byabaye indashyikirwa, birimo kuba abahoze batsinze mu bihe byashize bagera kuri barindwi (7) baragiye guhagararira u Rwanda ku rwego mpuzamahanga. Ibi ni ubuhamya bukomeye ko intego zacu zitari izo kuvuga gusa, ahubwo ko zashyizwe mu bikorwa.
Ariko se birahagararira aho? Oya, kuko hari nโabandi benshi bategereje amahirwe yo kuzamura ibendera ryโu Rwanda ku rwego mpuzamahanga binyuze muri gahunda za Diversity.
Iyo dusubije amaso inyuma, tugatekereza ku rugendo twanyuzemo, ntitwakwirengagiza ko iyo atari Imana ntitwari kugera aha. Ni we waduhaye imbaraga, icyerekezo, nโishyaka byo gukomeza urugendo nubwo byari bigoye. Uyu munsi rero, mbere ya byose, turamushima kandi tumushimira ko yagiye atuyobora mu nzira yacu yose.
Iki gikorwa cyo ku nshuro ya gatanu si ibirori bisanzwe; ni itangiriro ryโigihe gishya cyโubwuzuzanye (New Era of Diversity) โ cyibanda ku guteza imbere umugore. Ni urugendo rushya rugamije guha imbaraga no guhesha agaciro abakobwa nโabagore bacu, kugira ngo bahinduke inkingi yโiterambere mu muryango nyarwanda nโuwโisi yose.
Ni iki gituma iyi nshuro iba idasanzwe? Ni uko iki ari cyo gikorwa gifite ishingiro ryimbitse kurusha ibindi byose twigeze gukora. Ni igikorwa kizagira uruhare mu guhindura imibereho yโabagore mu buryo bugaragara.
Amahirwe menshi ategerereje aba bakobwa 15 bageze mu cyiciro cya nyuma. Turabifuriza amahirwe masa, kandi uwigaragaza nkโintumwa yโukuri yโubwuzuzanye, ufite indangagaciro zizatuma abakobwa bato bamureberaho, abe ari we utsinda.
Nyuma yโibi birori, hateganyijwe ibikorwa byinshi bigamije guteza imbere umugore, birimo amahugurwa, ibikorwa byโubuyobozi, nโuburyo bwo kubaha amahirwe yo guhagararira u Rwanda ku rwego mpuzamahanga.
Turashimira cyane Imana yaduhaye imbaraga zo kugeza aha, umuryango wanjye wampaye imbaraga, umufatanyabikorwa wanjye, ndetse nโitsinda ryose twakoranye kugeza ubu. Iyo ubona aho tugeze, uhita wumva ko nta muntu wabigeraho ari wenyine. Ni urugendo rusaba ubufatanye, ubwitange, nโurukundo.
Duhagurukire hamwe tugane ku byageza umugore ku rwego rwo hejuru, dufashe abakobwa bacu kumenya ko bashoboye, kandi dushimangire indangagaciro zโubwuzuzanye mu mibereho yacu. Igihe gishya cyatangiye, kandi Rwanda Global Diversity izakomeza kuba indorerwamo yโimpinduka ziza.
Dukomeze twiteze imbere โ byinshi biracyari imbere!
THE NEW ERA OF DIVERSITY.
