Bamwe mu byamamare mu ruganda rw’imyidagaduro, nka Prophete Joshua, bamaze kugura itike yo kujya mu gitaramo cya The Ben cyo kumurika alibumu ye. Ni igitaramo cyiswe THE NEW YEAR GROOVE.
Iki gitaramo kizarangwa n’ibyishimo byinshi, kikaba cyateguwe ku buryo buhebuje, kikazabera muri BK Arena ku wa Gatatu, tariki ya 1 Mutarama 2025, aho kizatangira ku isaha ya saa kumi n’ebyiri (16:00).
Imyiteguro y’iki gitaramo irarimbanyije kandi abateganya kucyitabira bakomeje gushyira imbaraga mu kunogerwa n’iki gitaramo. The Ben ni umwe mu bahanzi bakomeye mu muziki Nyarwanda, akaba amaze iminsi yigaragaza cyane mu ruhando rw’imyidagaduro. Uyu muhanzi, ufite impano idasanzwe, amaze kubaka izina rikomeye, haba mu gihugu imbere ndetse no hanze yacyo.
Alibumu ye ari gutegurira Abanyarwanda ikubiyemo indirimbo zigezweho, aho zimwe mu ndirimbo yazifatanyije n’abahanzi batandukanye kugira ngo asangize abakunzi be ibihangano byiza.
Muri uyu mwaka wa 2024, The Ben yasohoye indirimbo nyinshi zakunzwe cyane n’abatari bake. Indirimbo nka Better, Best Friend, Ni Forever yakoreye umugore we, Plenty, Naremeye, n’izindi nyinshi, zasakaye cyane ku mbuga nkoranyambaga ndetse no mu bitangazamakuru bitandukanye. Buri ndirimbo ye yagiye ikora ku mitima y’abakunzi be, ibafasha gukomeza kumva ubuzima mu buryo bwiza no kurushaho gukunda umuziki we.
Umuco wo gukunda ibitaramo, cyane cyane ibyakozwe n’abahanzi bazwi nka The Ben, ugenda ukura muri sosiyete Nyarwanda, abategura ibitaramo bakaba bafite icyizere ko iki gitaramo kizaba intangiriro y’imyaka myinshi y’ibiganiro byiza n’ibyishimo.
Icyakora iki gitaramo cya THE NEW YEAR GROOVE ni umwanya mwiza ku bakunzi b’umuziki gufatanya n’umuhanzi mu kwishimira umwaka mushya, ndetse no kwishimira ibihangano bishya bya The Ben.
The Ben, arateganya ko yatanga igitaramo cyiza kidasanzwe cyirimo indirimbo nshya, aho abakunzi bazabona umwanya wo guhurira hamwe, bakishimira umuziki w’umwimerere ndetse n’umunezero wa 2025. Ibi byose bizatuma abakunzi be ndetse n’abatari bake bakomeza kuba inyuma ye no kumushyigikira mu rugendo rwe rw’umuziki.
Prophète Joshua usanzwe atanga amafaranga y’ubuntu yabaye umwe mu bambere mu kugura itike y’igitaramo cya The Ben.
Amatike y’igitaramo cya The Ben ari kugurwa ku bwinshi, wowe utaragura urabura iki?
Imwe mu ndirimbo The Ben aheruka gusohora, mbere y’imyiteguro y’igitaramo cye cyiswe ‘THE NEW YEAR GROOVE’.
