Abashakashatsi bo muri Stanford Medicine bashyize ahagaragara ubushakashatsi bushya busobanura impamvu, mu bihe bidasanzwe, urukingo rwa COVID-19 rwifashisha ikoranabuhanga rya mRNA rushobora gutuma hagaragara indwara izwi nka Myocarditis ni ukuvuga kubyimba cyangwa kugira uburibwe ku ruhu rwโumutima.
Nkโuko ubu bushakashatsi bubigaragaza, iyi ndwara ikomeke kugaragara mu minsi mike nyuma yo guhabwa urukingo, ahanini hagati yโumunsi wa mbere nโuwa gatatu, cyane cyane ku basore nโurubyiruko rwโabahungu bari munsi yโimyaka 30. Abashakashatsi bagaragaje ko nubwo ibi bibaho, ari ingaruka idakunze kubaho cyane.
Ubusesenguzi bwakozwe bwerekanye ko mu maraso yโabantu bamwe na bamwe hagaragaramo izindi proteyine ebyiri zizwi nka cytokines CXCL10 na IFN gamma zishobora gutuma umubiri winjira mu rwego rwo kwirwanaho rukabije, bigateza uburibwe bukabije mu mubiri, burimo nโubwโumutima.
Dr. Joseph Wu, wari uyoboye iri tsinda ryโabashakashatsi, yasobanuye ko urukingo rwa mRNA rugamije gufasha umubiri kwitegura kurwanya virusi, ariko ku bantu bake, uko kwitegura bishobora kugenda bikabije bigateza ikibazo cyโuruhu rwโumutima. Yongeyeho ko ibi bitagomba gufatwa nkโingaruka rusange, kuko ku bantu benshi urukingo rukomeza kugaragara nkโurufite akamaro kanini mu kurinda ubuzima no kugabanya ingaruka zikomeye za COVID-19.
Abashakashatsi basaba ko hakomeza gukorwa ubushakashatsi burambuye kugira ngo hasobanurwe neza uko iyi ndwara igaragara, hanashyirweho ingamba zo kuyirinda no kuyivura mu gihe yaba igaragaye.
