Lamine Yamal, umukinnyi ukiri muto wa FC Barcelona, yamaze gukira imvune yari yagize ku kirenge cy’iburyo, aho yari amaranye igihe itamwemerera gukina imikino itatu ya La Liga.
Yongeye kugaruka mu myitozo hamwe n’abandi bakinnyi ba Barcelona, ndetse birateganijwe ko ashobora gukina iminota mike mu mukino wa La Liga uzahuza Barcelona na Las Palmas mu mpera z’iki cyumweru.
Umutoza w’ikipe, Hansi Flick, yatangaje ko agaragaza icyizere cy’uko Lamine
azongera kuzamura urwego rw’ubusatirizi bw’ikipe ye nyuma yo kugaruka mu kibuga.
Ni inkuru nziza ku bafana ba Barcelona, cyane ko Lamine Yamal, w’imyaka 17 gusa, afatwa nk’umwe mu bakinnyi bafite impano idasanzwe muri La Liga.
Ahawe uburenganzira bwo gukina, bizaba ari intambwe ikomeye mu gusubiza ikipe mu murongo mwiza mu mikino ikomeye bari bafite imbere.
