Muri Leta Zunze Ubumwe za Amerika kuri uyu wa gatatu tariki 06 Ugushyingo ibisubizo by’amatora biregereje kugira tubone ubasha gutorerwa ku mwanya w’umukuru w’Igihugu hagati ya Kamala Harris wo mu ishyaka ry’Abademukarate na Donald Trump wo mu ishyaka ry’Abarepubulikani.
Magingo aya amajwi yaba bombi bahanganiye umwanya wo kuba perezida kuruhande rwa Kamala Harris; amajwi yabari inyuma ye ni miliyoni 62,734,401 ubwo akaba ari 47.4%, naho Donald Trump abari kuruhande rwe ni miliyoni 67,807,054 ubwo akaba ari 51.2%.
Agashya muri aya matora: Donald Trump aramutse atowe yaba aciye agahigo ko gusubira ku butegetsi nyuma yo kubuvaho atsinzwe mu matora yo mu Kuboza 2020.
Kamala Harris we aramutse atowe, yaba aciye agahigo ko kuba umugore wa mbere utorewe kuyobora igihugu kuva cyakwitwa Leta Zunze Ubumwe za Amerika mu 1789 ku bwa George Washington.
Abakandida muri rusange: Abakandida biyamamariza kuyobora US ntabwo ari Kamala Harris na Donald Trump bonyine, ariko ni bo b’ingenzi cyane nk’ibisanzwe kubera ko baturuka mu mashyaka abiri y’ingenzi mu mateka y’igihugu: Abademukarate n’Abarepubulican.
Abandi bakandida barimo kwigeragereza amahirwe barimo Chase Oliver umukandida wa Libertarian Party, umutegarugori Jill Stein wa Green Party waniyamamaje muri 2012 ndetse no 2016 ariko ntabashe kurenga umutaru.
Harimo n’abandi babiri bigenga ari bo Cornel West na Robert F. Kennedy Jr wakuyemo ake karenge ariko atinze, kuko izina rye rikigaragara ku rutonde rw’abakandida muri Leta zimwe na zimwe.
