Umukino wahuje Arsenal FC na Manchester United umunsi wejo kuwa 4 Ukuboza 2024 mu mukino wa Premier League, warangiye Arsenal itsinze ibitego 2-0.
Uyu mukino wabereye kuri Emirates Stadium, i Londres, witabiriwe n’abafana bagera ku 60,256.
Igice cya mbere cyarangiye amakipe yombi anganya 0-0, ariko mu gice cya kabiri, Arsenal yihariye umukino. Igitego cya mbere cyatsinzwe na Jurriën Timber ku munota wa 54, ku mupira wari utewe na Declan Rice.
William Saliba yaje gutsinda icya kabiri ku munota wa 73, ku mupira wari utewe na Thomas Partey. Manchester United ntiyigeze ibasha kwinjiza igitego, naho Arsenal yakomeje kwitwara neza mu burinzi no mu kibuga hagati.
Uyu mukino wari ingenzi cyane ku mpande zombi mu rwego rwo guhatanira imyanya yo hejuru muri shampiyona. Arsenal, nyuma yo gutsinda uyu mukino, yagabanyije intera hagati yayo n’ikipe iyoboye urutonde rw’agateganyo, Liverpool kugeza ubu iri ku mwanya wa mbere.
