Umutoza wa Arne Slot yatangaje ko umukino uzabera kuri Anfield uzaba utandukanye cyane nโuwo batsinzwemo, agaragaza icyizere cyinshi nubwo ikipe ye ya Liverpool FC iri mu bihe bitoroshye.
Mu mikino itatu iheruka, Liverpool yatsinzwe yose, itsinda igitego kimwe gusa, mu gihe yinjijwe ibitego umunani mu marushanwa yose. Ibi byatumye abafana batangira kugira impungenge ku mikinire yโiyi kipe, cyane cyane nyuma yo kudatera ishoti na rimwe rigana mu izamu mu mukino bahuyemo na Paris Saint-Germain.
Arne Slot yavuze ko nubwo batsinzwe ibitego 2-0, bagize amahirwe yo kutarushaho gutsindwa byinshi, agaragaza ko hari icyizere cyo kwitwara neza mu mukino wo kwishyura. Yagize ati: โMu mupira wโamaguru, buri kintu kirashoboka. Dukeneye abafana bacu, kuko Anfield ishobora gukora byinshi.โ
Ibi byerekana ko uyu mutoza yizeye imbaraga zโabafana nโikirere cyโiwabo, kizwiho gufasha Liverpool gukora ibitangaza mu mikino ikomeye. Nubwo imibare igaragaza ko ibintu bitagenda neza, amateka yโiyi kipe agaragaza ko ishobora guhindura ibintu mu buryo butunguranye.
Abafana ba Liverpool rero bitezweho kuba urufunguzo mu mukino utaha, aho bashobora gufasha ikipe yabo gusubira ku ntsinzi no kongera icyizere mu rugendo rwโamarushanwa.
