Gigio Donnarumma yagize uruhare rukomeye cyane muri iri rushanwa rya Champions League nk’umunyezamu w’ikipe ya Paris Saint-Germain.
Uyu munyezamu w’Umutaliyani akomeje kugaragaza ubuhanga buhebuje mu mikino ikomeye, by’umwihariko mu buryo yitwaye mu mikino bari bahanganyemo n’amakipe akomeye ku mugabane w’u Burayi harimo na’ikipe ya Arsenal batsinzemo iri joro.
Mu mukino w’indashyikirwa, yagaragaje ko afite ubushobozi bwo kurokora ikipe ye mu bihe bikomeye, aho yitwaye neza cyane mu gukuramo imipira yashoboraga kubyara ibitego byabazwe.
By’umwihariko, ubwo PSG yakinaga n’ikipe ya Arsenal fc, Donnarumma yigaragaje nk’umunyezamu utuje, uzi gufata ibyemezo, kandi uyobora abandi bakinnyi b’inyuma mu buryo butangaje.
Ubwo yitwaraga nk’umurinzi w’inyuma udatsindwa, agakomeza guha icyizere ikipe ye. Nubwo hari benshi bamunenze mu myaka yashize, bamwe bamushinja amakosa mu mikino imwe n’imwe, ariko @donnarumma akwiye gushimirwa uko agenda yitwara, cyane cyane muri iri rushanwa ry’uyu mwaka.
Yagaragaje ubwitange, ubunyamwuga n’imyitozo ikomeye. Igihe PSG yahuraga n’amakipe afite abatakambere bafite ubuhanga nk’aba Saka, Rice, cyangwa Timber, Donnarumma ntabwo yigeze atekereza kabiri.
Yari afite icyizere, atambuka imbere yabo nk’intwari ikomeye, kandi kenshi imipira yavaga imbere yabo yahitaga igwa mu biganza bye nk’uko byari byateganyijwe nawe.
Kuba PSG igeze kure muri iri rushanwa, benshi ntibabyitegaga ariko abasesenguzi benshi ubu batangiye kwemera ko Donnarumma ari mu bagize uruhare runini mu rugendo rwabo. Ntibitangaje kubona abafana ba PSG bamuhimbariza amagambo nka “umurinzi w’umujyi wa Paris.”
Mu gihe Champions League irimo kugana ku musozo, abantu benshi bakomeje gukurikirana Donnarumma bareba niba yakomeza gutanga ibisubizo ku ikipe ye.
Aramutse akomeje kuri uru rwego, ashobora kwiyandikisha ku rutonde rw’abazamu bazahora bibukwa mu mateka ya ruhago ku mugabane w’u Burayi.
