Mu rwego rwo kwizihiza iminsi mikuru isoza umwaka, Kate Bashabe, wamenyekanye cyane mu bikorwa by’ubugiraneza n’ubushabitsi, hateguye ibirori byihariye byahuje abana bo mu karere ka Kicukiro.
Ibi birori byabereye ahantu hatuje kandi hateguwe neza, aho abana basaga 200 bahawe umwanya wo kunezerwa, gusabana, no kwidagadura mu buryo bwari bubereye ijisho.
Ikirori cyari gifite intego yo gutanga ibyishimo ku bana no kubibutsa ko bafite agaciro. Mu rwego rwo gushyigikira ubumenyi no kuzamura ireme ry’uburezi, aba bana banahawe ibikoresho byโishuri birimo amakayi, amakaramu, nโibindi bikoresho byโibanze bizabafasha mu masomo yabo.
Kate Bashabe yavuze ko iki gikorwa cyari cyigamije guhesha abana ibyishimo no kubaha icyizere cyโejo hazaza. Yagize ati, โAbana ni bo mizero yโahazaza, kandi tugomba kubafasha kugira ngo bagere ku nzozi zabo.โ
Ibirori byarushijeho gushimisha abana ubwo Juno Kizigenza, umwe mu bahanzi bakunzwe cyane mu Rwanda, yageraga ku rubyiniro.
Yaririmbye indirimbo ze zakunzwe cyane nka “Please Me” na “Nazubaye”, ndetse yanasabanye n’abana mu buryo bw’ubucuti nโurukundo.
Juno yavuze yishimiye cyane kwifatanya nโaba bana, ashimira Kate Bashabe ku bwโigitekerezo cyiza cyo gutegura iki gikorwa. Yagize ati, โNi ibyโagaciro kuba mu bihangano byanjye nshobora guha ibyishimo abana. Kugira uruhare mu bikorwa nkโibi ni byo bimpa imbaraga zo gukomeza gukora umuziki wubaka sosiyete.โ
Ababyeyi nโabarezi bari bitabiriye iki gikorwa na bo bashimye cyane uburyo abana bagaragarijwe urukundo, bishimira ko ibikorwa nkโibi bifasha abana kumva ko bitabwaho no kumenya agaciro kabo mu muryango nyarwanda.
Umwe mu babyeyi yagize ati, โIki ni igikorwa cyโingenzi kuko gituma abana bacu bumva ko bari mu muryango wita ku mibereho yabo nโuburezi bwabo.โ
Abana bari bateguriwe ibiryo byiza, ibinyobwa, ndetse banasabanye n’abitabiriye bose. Iki gikorwa cyasize urwibutso rwiza ku bana, kikaba cyerekanye ko gufasha abandi ari igikorwa cyโurukundo kigomba gushyigikirwa na buri wese.
