Killaman, umwe mu bakinnyi bamenyekanye cyane mu mwuga wo gukina filime mu Rwanda, yatangaje ko agiye guhagarika gukina filime yari amaze imyaka ine akina, ari na we wayiteguraga.
Uyu mwanzuro yawufashe nyuma yโimyaka myinshi yโakazi gakomeye ko gukora no gukina filime ziganjemo ibice bitavugwaho rumwe. Zimwe muri izo filime zakunze kuvugwaho kunenga kubera ibirimo nko gukubita abakobwa bambaye ubusa cyangwa se abahungu bambaye amapantaro yenda kugwa hasi, ibintu bamwe bagereranya no kwigisha imyitwarire mibi mu miryango ndetse no muri sosiyete muri rusange.
Nkโuko Killaman yabisobanuriye mu kiganiro yagiranye nโumunyamakuru Erene Murindahabi ari kumwe na Miss Nyambo, umwe mu bakinnyi bโitsinda Killaman Empire, umwanzuro wo kureka gukina iyi filime avuga ko uturuka ku makuru yagejejweho nโumunyamakuru akaba nโumuyobozi mukuru wโUrwego rwโAbanyamakuru bigenzura (RMC), Mutesi Scovia.
Nyuma yo kuganira na Mutesi Scovia, Killaman ngo yaje gusobanukirwa nโingaruka zโizo filime, cyane cyane ku bijyanye nโicyo zishobora kwigisha abantu batuye muri sosiyete Nyarwanda.
Miss Nyambo, wagaragaye inshuro nyinshi muri filime za Killaman Empire, yavuze ko uyu mwanzuro wa Killaman ari igihamya cyโuko umuntu agomba kubahiriza ubuzima bwโabandi, aho kuguma mu byo abantu benshi babona ko bitajyanye nโumuco.
Yongeyeho ko icyemezo cyo kureka izo filime ziganjemo iyo myitwarire ari ikimenyetso cyโuko yifuza kuba umuntu ugira uruhare mu kwimakaza amahoro nโiterambere ryโimitekerereze yโabakiri bato bakunda filime ze.
Ku rundi ruhande, bamwe mu bafana ba Killaman batunguwe nโiki cyemezo, kuko bakundaga izo filime ze bitewe nโimiterere yayo ituma abantu batarambirwa.
Hari abemeza ko nโubwo filime ze zagaragaragamo ibintu bivugwaho byinshi, ariko zifite uruhare mu gutanga ubutumwa bwโimyidagaduro mu buryo bwihariye.
Icyakora, abandi bamushyigikiye, bavuga ko kuba yarahisemo kureka gukina izo filime zigaragaramo imico ishidikanywaho bigaragaza ko yifuza gutanga umusanzu mu kurwanya ihohoterwa, ibindi byaha ndetse no gushyigikira umuco Nyarwanda.
Bagize bati, “Killaman ni urugero rwโuko umuntu ashobora guhindura icyerekezo mu buzima kubera kwigishwa nโabandi.”
N’ubwo bitari byoroshye kuri we gufata uyu mwanzuro, Killaman yavuze ko yiteguye gushora imbaraga mu bindi bikorwa birimo gukora filime zโubutumwa bwubaka, ziganisha ku buzima bwiza bwโabaturage no gushimangira indangagaciro zโumuco Nyarwanda.
Yagize ati, “Ngiye gukora filime zizubaka sosiyete, zifasha abantu gutekereza neza ku byo bashyira mu bikorwa mu buzima bwabo bwa buri munsi.”
Zimwe muri filime zitavugwaho rumwe nโumunyamakuru akaba nโumuyobozi mukuru wโUrwego rwโAbanyamakuru bigenzura (RMC), Mutesi Scovia.
Killaman yabigarutseho mu kiganiro ku byo Mutesi Scovia yavuze.
