Myugariro ufatwa nk’umwe mu bakinnyi bakomeye mu bihe byose, amasezerano ye yahagaritswe amezi abiri ku wa gatandatu.
Ikipe yo muri Berezile yavuze ko iki cyemezo cyumvikanyweho. Mu gihe impamvu zatumye agenda zitatangajwe, ibi byatangajwe nyuma y’umunsi umwe uyu mukinnyi w’imyaka 36 yamavuko byagaragaye ko atumvikanye n’umutoza Mano Menezes.
Ku munota wa nyuma w’umukino na Gremio ku wa gatanu, Marcelo yari agiye kujya mu kibuga ubwo Menezes yagize icyo avuga ku byo yavuze maze amutegeka gusubira kwicara ahasanzwe hateganyirijwe abakinnyi babasimbura.
Nyuma umutoza yavuze ko agiye kuzana Marcelo, ariko yumva mu mwati ye ikintu adakunda ahindura ibitekerezo byo gushyira uyu myugariro mu kibuga ahitamo gukomeza kumwicaza.
Uyu myugariro Marcelo yaje kunyura mu ikipe ya Fluminense mbere yo kwerekeza muri Real Madrid mu mwaka wa 2007, asubira mu ikipe yo muri Berezile mu 2023 nyuma yo kumara igihe gito mu Bugereki mu ikipe ya Olympiakos F.C.
