Fatakumavuta yavuze ko asanzwe afitanye ibibazo na Muyoboke Alex kuva mu mwaka wa 2017 igihe Muyoboke Alex yarebereraga inyungu Charly na Nina.
Fatakumavuta avuga ko yakoze inkuru itarishimiwe na Muyoboke Alex hanyuma agashaka kumwirukanisha aho yakoraga ariko bikamunanira.
Nyuma y’aho, Safi Madiba yagerageje kubunga ndetse batera intambwe ya mbere ariko David Bayingana abyivangamo abwira Muyoboke “kutazigera yiyunga n’umwana w’Umuhutu”.
Icyo gihe Fatakumavuta yatangaje ko yagize uburakari agashaka kurwana ndetse inzoga bari baguze bakazimena aho David Bayingana yakubise ikirahuri cya Hennessy kuri laptop akayimena.
