Félix Mugisha uzwi ku izina ry’ubuhanzi rya Mulix, uyu muhanzi akaba murumuna wa Claude Mujyanama wamamaye cyane ku izina ry’ubuhanzi TMC mu itsinda rya Dream Boyz, yatangaje zimwe mu mbogamizi ahura nazo nk’umuhanzi w’imiziki ukorera muri Leta Zunze Ubumwe za Amerika aho asanzwe yiga, kmwe mu bibazo ahuje na bagenzi be baba muri diaspora.
Uyu muhanzi Mulix wagiye muri Leta Zunze Ubumwe za Amerika mu mwaka wa 2018, yatangaje agira ati: “ko abahanzi bakorera umuziki hanze y’u Rwanda bahura n’ingorane cyane ko aba Producers baba bakorana baba bari mu gihugu, bityo ugasanga bibasaba imbaraga nyinshi kugira ngo bakore ibihangano byiza.
Ibi Mulix yagize icyo abitangazaho, ni nyuma yo gusohora indirimbo ye ya kane yise ‘Luza’. Yagize ati “Urumva gukorera umuziki hanze y’u Rwanda biba bigoye kuko dukorana n’aba-producers bo mu Rwanda, gukora mutari kumwe bituma ukoresha imbaraga nyinshi kugira ngo igihangano cyawe kijye hanze kimeze neza.”
Muri iyi minsi uyu musore w’umuhanzi w’imiziki ari gukorana cyane na Producer Prince Kiiiz, umu producer usanzwe afite izina mu Rwanda yarakoranye indirimbo nyinshi n’ibyamamare byo Rwanda ndetse no hanze yarwo cyane ko ari we umukorera indirimbo ze zose. Uyu mu producer afite izina rikomeye Rwanda mu batunganya indirimbo.
Mulix ni we muhererezi iwabo mu muryango w kwa TMC. Uyu muhanzi w’indirimbo yiga ibijyanye n’ikoranabuhanga muri kaminuza aho azasoza mu mpera z’uyu mwaka wa 2024.
