Perezida Trump Yirukanye Jenerali Charles Q. Brown ku Buyobozi bw’Ingabo za Amerika, Hanirukanwa N’abandi Bayobozi BakuruKu wa Gatanu, Perezida Donald Trump yatangaje ko yirukanye Jenerali Charles Q. Brown, wari uyoboye Inama Nkuru y’Ubutegetsi bw’Ingabo za Leta Zunze Ubumwe za Amerika (Joint Chiefs of Staff). Iyi ni intambwe ikomeye yo gukuraho abayobozi bashyigikiye politiki z’ubwuzuzanye n’uburinganire mu gisirikare.
Jenerali Brown, wabaye umugaba mukuru w’ingabo z’ikirere kandi akaba ari we mwirabura wa kabiri wabashije kugera kuri uyu mwanya ukomeye, yari amaze amezi 16 kuri uyu murimo. Muri icyo gihe, yari ahanganye n’ibibazo bikomeye birimo intambara yo muri Ukraine n’ikwirakwira ry’imirwano mu Burasirazuba bwo Hagati.
“Ndashimira Jenerali Charles ‘CQ’ Brown ku myaka irenga 40 yamaze akorera igihugu cyacu, harimo no kuyobora Inama Nkuru y’Ubutegetsi bw’Ingabo. Ni umugabo w’intangarugero kandi w’inararibonye. Mwifurije we n’umuryango we ejo hazaza heza,” Perezida Trump yanditse kuri konti ye ku mbuga nkoranyambaga.
Perezida Trump yatangaje ko agiye gusimbuza Brown na Jenerali w’ikiruhuko cy’iza bukuru Dan “Razin” Caine.
Umunyamabanga wa Pentagon, Pete Hegseth, nawe yatangaje ko Umugaba Mukuru w’Ingabo z’Inyanja, Admiral Lisa Franchetti, na Visi Umugaba Mukuru w’Ingabo z’ikirere, Jenerali James Slife, birukanywe.
Franchetti yabaye umugore wa mbere mu mateka wayoboye Ingabo z’Inyanja kuva mu mwaka wa 2023. Yabwiwe ko agiye gusimbuzwa binyuze mu kiganiro kuri telefone yagiranye na Hegseth mbere y’uko itangazo rishyirwaho.
Hegseth yatangaje ko n’abanyamategeko bakuru ba gisirikare b’Ingabo z’Igihugu, iz’Inyanja n’iz’Ikirere nabo bazasimbuzwa.
Impamvu y’uku kwirukanwaTrump yafashe uyu mwanzuro n’ubwo Brown yari ashyigikiwe n’abagize Inteko Ishinga Amategeko ndetse no nyuma y’inama bagiranye mu kwezi kwa Ukuboza. Bari banicaranye igihe kinini mu mukino wa ruhago wahuje Ingabo z’Igihugu n’iz’Inyanja.
Brown yari akomeje kugirana ibiganiro bya kenshi na Hegseth, wabaye Umunyamabanga wa Pentagon mu gihe gito gishize, kingana n’ukwezi kumwe gusa.
Hegseth yagize ati: “Dan Caine ni umusirikare w’intwari wifitemo umurava n’ubushishozi, akaba ari we dukeneye muri ibi bihe bigoye. Nishimiye gukorana nawe.”
Yakomeje avuga ko Brown yagize urugendo rwiza rw’akazi mu myaka irenga ine yaramaze mu gisirikare kandi akaba yari inama nziza ku buyobozi.
Dan Caine ni muntu ki?
Jenerali Caine, wahawe uyu mwanya na Trump, yigeze gukora mu rwego rw’ubutasi bwa CIA kuva mu mwaka wa 2021, aho yari Umuyobozi w’Ibikorwa bya Gisirikare.
Ubundi yari asanzwe ari umuyobozi wa porogaramu zidasanzwe muri Minisiteri y’Ingabo z’Amerika. Ni umupilote wabigize umwuga, akaba amaze gukorera amasaha arenga 2,800 mu ndege ya F-16, harimo amasaha 150 mu mirwano.
Caine yize muri Virginia Military Institute aho yakuye impamyabumenyi mu bukungu mu mwaka wa 1990.
Gusa, bisanzwe bimenyerewe ko umugaba mukuru w’ingabo agomba kuba afite ipeti rya Jenerali w’inyenyeri enye (four-star general), mu gihe Caine ari Jenerali w’inyenyeri eshatu.
Iri jambo ry’ihinduka rikomeye mu buyobozi bw’igisirikare rya Trump rizagira ingaruka zikomeye mu ngabo z’Amerika, cyane cyane ku bijyanye n’imiyoborere mishya n’icyerekezo cyazo muri iyi myaka iri imbere.
