Phil Peter, umwe mu banyamakuru bakomeye mu Rwanda ndetse nโumuvangamiziki (DJ) wubashywe, yatangiye guhishura abahanzi yafatanyije nabo kuri EP ye nshya yise Filipiano. Muri iyi EP, Phil Peter avuga ko yitondeye guhitamo abahanzi bafite impano ikomeye, bakaba bahurira ku guhanga umuziki ufite umwimerere gusa.
Yatangiriye kuri Alyn Sano, umuhanzikazi ukunzwe cyane mu Rwanda, aho bakoranye indirimbo yitwa Halo.
Halo ni indirimbo ivuga ku rukundo, ikoresheje injyana ituje ariko inogeye amatwi, igaragaza impano ya Alyn Sano mu miririmbire n’ubuhanga bwa Phil Peter mu gutunganya umuziki.
Iki gikorwa cyongereye amatsiko ku bakunzi bโumuziki ku bandi bahanzi bazagaragara kuri iyi EP, aho Phil Peter akomeje kubatangaza gahoro gahoro.
Ibi bije nyuma yโuko Phil Peter ashyize ku isoko indirimbo yise Jugumila yakoranye na Chriss Eazy na Kevin Kade. Iyi ndirimbo yabaye impinduramatwara mu muziki wโu Rwanda, imaze kurebwa inshuro zirenga miliyoni icyenda ku rubuga rwa YouTube, ikaba iri hafi kugera kuri miliyoni 10 zโabayirebye.
Ubuhanga bwa Phil Peter mu kuyitunganya hamwe nโimpano zโabahanzi bayiririmbyemo byayigize imwe mu ndirimbo zifite umwanya ukomeye ku isoko ryโumuziki.
Phil Peter yakomeje kwerekana ko afite icyerekezo gihamye mu guteza imbere umuziki Nyarwanda, binyuze mu mishinga itandukanye yโubufatanye nโabahanzi bโabahanga.
EP ye Filipiano igaragaza umwihariko mu guhuza injyana zigezweho nโimitekerereze yโumuziki wโu Rwanda. Abakunzi bโumuziki bategereje nโamatsiko bandi bahanzi bazagaragara kuri iyi EP, bashimangira ko Phil Peter ari umwe mu bantu bagira uruhare rukomeye mu iterambere ryโumuziki Nyarwanda.
Philpeter yatangiye guhishura abahanzi bakoranye nawe kuri EP yise “Filipiano”.
Alyn Sano ari mu bahanzikazi bakoranye mu ndirimbo yiswe “Halo” muri EP “Filipiano” ya Philpeter..
