Raporo y’Ikigo cy’Igihugu cy’Ibarurishamibare (NISR) igaragaza ishusho irambuye y’uko icyorezo cya Virusi Itera SIDA gihagaze mu Rwanda mu 2023. Mu bantu bakuru bari hejuru y’imyaka 25 bapimwe ku bushake, hagaragaye ko muri 694,071 hapimwe, 7,443 bafite iyi virusi.
Uko Intara Zirutanwa mu Mibare:
Intara y’Uburasirazuba: Hapimwe abantu 289,015, hagaragara ko 2,675 banduye.
Intara y’Uburengerazuba: Muri 237,897 bapimwe, abanduye ni 1,431.
Intara y’Amajyaruguru: Hapimwe abantu 143,435, abanduye ni 810.
Intara y’Amajyepfo: Abantu 206,557 bapimwe, 1,543 banduye.
Umujyi wa Kigali: Hapimwe abantu 234,696, hagaragazwa ko abanduye ari 2,811.
Uko Imiti Igabanya Ubukana Ifatwa:
Mu bantu bakuru bafite Virusi Itera SIDA:
- Abagabo: 36.7% ni bo bafata imiti igabanya ubukana bwa SIDA.
- Abagore: 63.3% bayifata.
Mu bana bari munsi y’imyaka 15:
- Abakobwa: 52.5% bafata imiti igabanya ubukana.
- Abahungu: 47.5% bayifata.
Imibare y’Abanyarwanda Bipimishije mu 2023
Raporo ya NISR yerekana ko muri 2023, Abanyarwanda 1,111,600 bipimishije ku bushake Virusi Itera SIDA. Muri bo, 9,270 banduye.
- Abagore bapimwe: 681,934, muri bo 5,518 banduye.
- Abagabo bapimwe: 429,666, muri bo 3,752 banduye.
Imibare ku Bana n’Urubyiruko
- Abari munsi y’imyaka 15: Muri 37,158 bapimwe, 225 basanzwemo iyi virusi.
- Abari hagati y’imyaka 15 na 24: Muri 380,371 bapimwe, 1,602 banduye.
Umwihariko mu Bayifite bashakanye
Mu couples 74,437 zapimwe ku bushake, hagaragaye ko 2,458 muri zo umwe mu bashakanye afite virusi mu gihe undi atayifite.
Raporo yerekana ko Virusi Itera SIDA igikomeje kuba ikibazo gikomeye mu Rwanda, ariko kandi n’imbaraga zishyirwa mu kwipimisha ku bushake, gufata imiti, no gukumira ikwirakwira zigaragaza icyizere cyo kugabanya ubukana bw’iki cyorezo.
