Perezida wa FERWAFA Munyatwari Alphonse yatangaje ko ari intambwe ikomeye gutangiza shampiyona y’abatarengeje imyaka 17, avuga ko n’ibyo gukinisha abakinnyi barengeje imyaka babigenzuye, ariko haramuka havutse ikibazo kijyanye no gukinisha abarengeje imyaka hakaziyambazwa MRI.
Ati “Muri iyi shampiyona icyo twakoze twasuzumye muri NIDA igihe abana bandikishirijwe n’imyaka bafite. Mu bana bose twanditse twagiye kureba koko ko mu irangamimerere ariyo myaka bafite, amabwiriza y’uyu mwaka niko yavugaga. Twanze gushiraho amakipe umutwaro wo kujya gupimisha abana muri MRI kuko bisaba amafaranga menshi, gusa hagize ikibazo gikomera ibyo nabyo twabyitabaza.”
Umutoza wa Rayon Sports U17, Mbungira yatangaje ko yatsinzwe kubera ko APR FC U17 yakinishije abakinnyi barengeje iyo myaka.
Ku rundi ruhande, Ngabo Albert wa APR FC yavuze ko ari urwitwazo ndetse ko ababajwe n’ibyavuye mu mukino kuko yifuzaga gutsinda ibitego 20.
