Tariki 20 Mutarama 2025, Donald Trump ararahira kuba Perezida wa 47 wa Leta Zunze Ubumwe z’Amerika, asimbuye umukambwe Joe Biden w’imyaka 82. Uyu muhango w’irahira uratangira ku isaha y’isaa 17h00 ku Isaha ngengamasaha ya GMT, mu Ngoro y’Inteko Ishinga Amategeko ya Amerika Capitol, i Washington DC.
Ni umuhango w’irahira wari usanzwe ubera hanze ya Capitol, ariko kubera ubukonje bw’intangarugero, aho igipimo cy’ubushyuhe kiri ku dogere 11, ibikorwa bizabera imbere mu Nteko.
Abahanzi barimo Carrie Underwood, Nelly n’abandi bazasusurutsa abarenga ibihumbi 200 bategerejwe mu muhango, nk’uko ibinyamakuru byo muri Leta Zunze Ubumwe z’Amerika bibitangaza .
Abakuru b’Ibihugu n’abayobozi ba za Guverinoma bo hirya no hino ku Isi bitabiriye iki gikorwa cy’ingenzi, cyateguwe nk’ikirori kizwi ku rwego rw’Isi.
Trump, nyuma yo gutangira manda ye ya kabiri, azasubira muri White House ahereye ku kugaragaza politiki zigamije guhagarika intambara muri Ukraine, ibintu yijeje gukora mu masaha 24 gusa.
Uko bizagenda bizwi mu bihe biri imbere, ariko Igihugu n’Isi muri rusange bizakurikira ibyemezo Trump azafatiraho, kuko aragaruka ku nshuro ya kabiri muri White House, aho ibikorwa bye bishobora kuba bihindura byinshi mu rwego mpuzamahanga. Tugumane ijisho, turebe niba yagera ku ntego ze.
