Umunyezamu Karius yatangaje ko ashobora guhagarika gukina umupira wamaguru

Uwahoze ari umuzamu wa Liverpool, Loris Sven Karius, yatangaje ko ashobora guhagarika gukina afite imyaka 31. Ibi uyu munyezamu yabitangaje nyuma yo kubura ikipe nshya yo gukinira muri uyu mwaka w’imikino.

Karius yavuye mu ikipe ya Newcastle ibarizwa muri shampiyona y’icyiciro cya mbere mu Bwami bwa Bongereza ‘English Premier League’ mu mpeshyi nyuma y’imyaka ibiri aho yakinnye imikino ibiri gusa, harimo n’umukino wa nyuma wa Carabao Cup mu mwaka wa 2022, ubwo batsindwaga na Manchester United nayo ibarizwa mu cyiciro cya mbere mu Bwongereza.

Uyu nyezamu yakiniye kandi n’ikipe ya Liverpool imyaka ibiri, ariko ntiyongeye kugaragara mu kibuga nyuma yo gukora amakosa abiri akomeye mu mukino wa nyuma wa Champions League mu mwaka wa 2018 ubwo batsindwaga ibitego 3-1 n’ikipe ya Real Madrid ibarizwa muri Espagne mu cyiciro cya mbere La Liga.