Pep Guardiola yageze muri Manchester City mu mwaka wa 2016 avuye muri Bayern Munich, aho yahise ahindura amateka y’iyi kipe. Mu gihe amaze ayitoza, yayihesheje ibikombe byinshi birimo Premier League, FA Cup, Carabao Cup ndetse na UEFA Champions League, ibintu byatumye afatwa nk’umwe mu batoza beza babayeho mu mateka y’umupira w’amaguru.
Abafana ba Manchester City bagaragaje amarangamutima akomeye nyuma y’aya makuru, bamwe bavuga ko ari iherezo ry’igihe cyanditse amateka, abandi bavuga ko Guardiola azahora ari legend muri iyi kipe. Ku mbuga nkoranyambaga, ubutumwa bwo kumushimira bwakomeje kwisukiranya, benshi bamwifuriza amahirwe masa mu rugendo rushya agiye gutangira.
Naramuka asezeye koko, Pep Guardiola azasiga amateka akomeye cyane muri Manchester City no muri ruhago y’u Bwongereza muri rusange.
