Nicky Dimpoz agarukanye imbaraga nshya muri muzika

Nicky Dimpoz mu kiganiro yagize ati: “Iyi ndirimbo nayitekerejeho nshaka uburyo bwihariye bwo kwizihiza isabukuru yanjye y’amavuko, ariko iza no kuba uburyo bwo gushimira no guha agaciro umugore wanjye Aline Sangwa Kayigemera”, yakomeje kuvuga ko yabaye umuntu w’ingenzi cyane mu buzima bwe.

Uyu muhanzi yavuze ko nyuma y’igihe gito atagaragara cyane mu muziki, yumvise igihe kigeze ngo yongere kwegera abakunzi be abinyujije mu ndirimbo ifite amarangamutima ndetse n’ubutumwa bwuje urukundo n’ishimwe.

‘Isabukuru Nziza’ ni indirimbo yitezweho kongera gushimangira izina rya Nicky Dimpoz mu muziki nyarwanda, cyane cyane ku bakunzi b’indirimbo ziganjemo ubutumwa bw’urukundo n’ubuzima bwa buri munsi.